web

web - news - images - directory - company + more

advanced search

Cached

staatsarchiv luzern kontakt angebote kunden partner luzern suchen überblick bestände bibliothek publikationen familienwappen schaufenster schaufenster > freizeit > wirtshausschlägerei 1579 freizeit: kundschaften zu einer wirtshausschlägerei in luzern, 1579 alkoholkonsum gehört zum freizeitverhalten. der umgang damit barg und birgt seine bekannten probleme… das original liegt im staatsarchiv luzern, signatur: akt 113/23 -> druckbares dokument (5 bildseiten, pdf, 3 mb) -> klicken sie auf ein bild, um eine vergrösserte bildschirmansicht zu erhalten.           [seite 1] uff anding[en] mgh und gebott herre[n] raaths richters hand bezügt volgende per- sone[n] uff donstag vor s. niclausen tag anno 1579.   erstlich bezügt hans fry, der wirt zum löwen, namlich es habe sich uff mittwoch[en] znacht, alls er züg inn hansen studers hus zum sternen znacht gessen, guotter ding[en] gsin, sige lorentz allt und caspar hinschwyler ob einem andern tisch gesess[en] und mitt einander gespillt und angfang[en] wörtlen. sige hans studer der wirt zuogefaren, dem lentz allt[en] und dem hinschwyler die kart[en] und das liecht genome[n] und sy nitt meer wellen spilen lassen. im selbig[en], alls er züg und sine gsellen mitt sampt pettern stattknecht guotter ding[en] und domals noch keiner ob selbigem tisch bewynett gsin, sige lourentz allt kome[n] und über sin zügen tisch und der hinschwyler über ein andern tisch gesess[en]. habe der lentz allt und hinschwyler stätts mitt ein andern gewörtlet, ye das er züg zum lentz allt[en] geredt, lieber, gang von unserm tisch und bis rüwig. sige lentz allt zuo gefare[n] und zuo pettern stattknecht geredt, was ist, du scherg, daruff petter geanttwort, was bin ich, ein scherg, da lentz wider geredt, ja du         [seite 2] bist, daruff der petter zuo dem lentz[en] ge- sproch, du lügst alls gwüß alls ein schelm, dann ich bin dhein scherg, sonder mgh diener. daruff lourentz, alls der petter trinck[en] wolle[n], inne petter an kopff geschlag[en], und allso ein andern guott gschir gmacht, da die ob dem andern tisch uffgestand[en], gefridt und von ein andern than, und alls sys von einandern bracht, habe lentz allt zum offrion weerlin dem müller an der fluoch geredt, müller, du bist nitt alls guott alls ein biderma[n], da der müller den lentz ouch an kopff geschlag[en], im selbig[en] aber gefridett word[en]. glych sige hans studer der wirt khome[n], dem lentz allt sin ürtin güttigklich abgevordertt und heiß[en]en die gleser zalen, so er zerbroch[en]. da habe der lentz die ürtin zallt, aber nützit umb die gleser geben wellen, und zum studer geredt, er habe ime studer im krieg etliche mal durch gots wills geben, und er studer sige im krieg mit hudel und trölwerch umb gang[en], daruff der studer inne lentz ouch an kopff geschlag[en], da abermals gefridet word[en]. im selbig[en] lentz allt über alle[n] frid[en] zum studer geredt, du studer, du hast dich gege[n] dine[n] houptlütt[en] nitt erlich und wie ein biderma[n] gehallt[en]. im selbig[en] der lentz hin         [seite 3] weg gefürtt word[en]. darnach sige ein seen[!] da gsin, der heise [...], der selbig habe den müller an der fluoch, alls der müller gefridett, ouch schlach[en] und sich parthyge[n] welle[n], und alls christen sager von littow söllichs gesehen, habe christan sager den senne[n] ouch an kopff geschlag[en], da abermals gefridet word[en]. im selbig[en], alls der lermen gar ge- stillett, sige der gemellt senn unversehenlich dahar khome[n] und obegemellt[en] christ[en] sager über allen frid[en] an kopff geschlag[en], das er ans fenster gefallen, im selbig[en] aber gefridet word[en]. darnach sige er züg hinweg gang[en], sonst hätte er wol alls balld ouch dörff[en] inn unglück khome[n].   hans studer, der wirt zum sternen, bezügt ouch allso.   offrion weerli der müller an der fluoch, hans schmidli von gerlischwyl, ·lrich müller von keiserstuol, jost koch von baden, melch[er] küttel von wäggis, benedict rupp von kriens, jörg schnyd[er] und christen sager, beid von mallters, und hans steiner von rotten- burg bezügend ouch all wie hans fry zum löwen.         [seite 4] caspar hinschwyler, der zum schnydern, bezügt ouch aller ding[en] wie hans fry zum löwen, dann umb so vill wytter, alls er hinschwyler ge- fridt, wie christ[en] sager und der senn ein andern geschlag[en], habe der senn ime hinschwyler im selbig[en] karthümel ouch ins angesicht troff[en], das er plütt. sonst haben hans schmidli von gerlischwyl und jörg schnyder von mallters aller erstlich vor aller unruow ein andern mit fünst[en] geschlag[en].   es zeigt der wirt zum sterne[n], hans studer an, das dem obgenempt[en] senne[n] einer im mos 30 gl schuldig sige.   hans am rein, burger und schlosser zuo lucern, bezügt, alls er uff nächtig[en] abend inn siner werchstatt gsin ud gewerchet, hab er etwas wäsens gehörtt, aber nitt wüssen mög[en], was es gsin. ye alls es nitt nachlassen wellen, habe er ein schaffenlin genome[n], ußhin gang[en] und gluogt. sige petter stattknecht und lorentz alltt an ein andern gehanget, ein ander stets geschlag[en], sig[en], mitt gunst zuo meld[en], beid wasen meist[er] da gestand[en], inne[n] zuo geluogt. da habe pet[er]         [seite 5] zuo ime zügen geredt, hans am rein, weist du nitt, was thuon sollt, nim den schlüssel da und thuo den thurn uff. das habe er züg than und sy gar kümerlich von ein andern bring[en] mög[en], je das er züg so vil geredt, das lorentz allt geredt, hans am rein, ich will dir volg[en], aber der petter hett mich nit müssen in thurn bring[en], im selbig[en] er züg und petter inne lentz allt in burgerthurn gelegt.       transkription: s. jäggi einleitung, bilder: g. egloff produktion: m. lischer   © staatsarchiv luzern, 20-jun-2005

Back to result

LocoTrain is a part of the group Web Trains : advertisers - charter - copyright - leg/CNIL/Statistics - press releases - email. All rights reserved.